Festîvala Rojanê Amara ke seba rojbîyayîşê Rayberê Şarê Kurdî Abdullah Ocalanî yena kerdene, bi coşêko pîl dewam kena. Festîvale bi beşdarîya hezaran kesan, bi konserêko biheybet ameye organîzekerdene.
Çarçewaya rojbîyayîşê Rayberê Şarê Kurdî Abdullah Ocalanî yo 77. bi sloganê “Rayberîya Azade reyde ver bi Yewîya Demokratîke” Festîvala Rojanê Amara ame organîzekerdene. Festîvale bi coşêko gird dewam kena. Tarîbîyayîşê hewayî reydde bi hezaran kesan parka 4ê Nîsane pirr kerd. Muzîkjenê Kultur û Hunerî yê Mezopotamyayî (NÇM) Muzîkjen Arhat bi deyîran coş da girseyî. Sewbîna sehne ser o fotografê Rayberê Şarê Kurdî Abdullah Ocalanî yo tewr peyên zî ame mojnayene û qadê festîvale de dîmenê biheybet vejeyê orte.
