Fîlozofê fransizî û nuştoxê romanan Alain Badiouyî Rayverê Şarê Kurdî Abdullah Ocalan rê mektubêke şawite û vat: ‘’Waştişê ma yo tewr xurt no yo ke kanalê to yê îrtîbatî bêrê akerdene.’’
Goreyê xebera Ajansê Mezopotamya Alain Badiouyî 15ê gulana 2025î de Rayverê Şarê Kurdî Abdullah Ocalan rê mektubêke şawite.
Badiouyî mektuba xo de wina vat:
‘’Hemrayo ercîyaye Abdullah Ocalan,
Ez û Isabelle Vodoz seba mektuba to sipas kenê. Na belgeya kilma ke mîyanê şertanê zehmetan de nusîyaya, derheqê fikr û çalakîyanê to de fikrêkê zaf xurtî dano merdimî. Mektuba to de çîyo ke dinya de kêm o û formulê to de bale anceno no yo ‘Mi qetî cigêrayîşê edaletî, azadîye û raştîye ra fek vera nêda û ez do fek vera nêda.’ La xeylê reyî ma raştê mîsalanê sey edaletî yê bê raştîye yan zî raştîye bê azadîye ameyî ke waştişê girêdayeyê aktîfî yê mabênê edalet, raştîye û azadîye yo.
Herinda ke cenabê to yeno tecrîdkerdene ganî azad bibo. Ma na babete de hesas ê. Ma bi heman hewayî verê qiseyê to yê ‘Vera hêrişanê Modernîteya kapîtalîste û manewrayanê emperyalîstan ma xîret kenê ke waştişê cuya alternatîfe ya şaran rê bibê cewab’ de bi hesasîyetî têgêrenê.
Mîyanê şert û mercan de waştişê ma yo tewr xurt no yo ke kanalê to yê îrtîbatî wa bêrê akerdene.
Ma heta peynî hetê to de yê.
Alain Badiou
Paris, 15.05.2025″
