Foza Yûsif vengdayîşêk zî medyaya Kurdkî rê kerd û waşt ke medyaya Kurdkî medyaya dinya reyde dayîşûgirewtişî bikera.
Endama Konseyê Hemserekîya Partîya Yewîya Demokrat (PYD) Foza Yûsif hesabê xo yê X’î ser o medyaya Kurdkî rê vengdayîşêk kerd û waşt ke medyaya Kurdkî medyaya dinya reyde têkilî rona.
Vengdayîşê Foza Yûsif wina yo: “Ez vengdana medyaya Kurdkî ke ewro şima vengê şarê ma yê. Bi kamera û beşdarîya xo, şima tewrê vengdayîşiê pêroyî yê çalakî benê. Ganî şima wirzê lingan ser o û heme rêxistinanê medya yê çar hetanê dinya reyde têkilîyan awan bikerê. Silam her kesî rê ke seba dewaya şarê xo xebitîyeno. Biciwîyo azadîya kurdan.”
