Wezaretê Karê Zereyî yê Fransayî qerarê dardekerdişê ke Îranî de yenê girewtene, bi şîdet şermezar kerdê û Îran ra waşt ke peynîya qeraranê cezayanê dardekerdişî bîyara.
Nêrazîbîyayîşê hemverê qerarê dardekerdişê ke Îranî de yenê girewtene, dewam kenê, na çarçewa de Wezaretê Karê Zereyî yê Fransayî, eşkerayîyêk vila kerd.
Wezaretê Karê Teberî yê Fransayî destpêkê eşkerayîya xo de dardekerdişî sey nîşanê bêvengkerdişî yê hemverê pêro kesan ke waştişê heqê xo kenê pênase kerd û wina ame vatiş: “Ma venga Îranî danê ke çi rewşe de beno wa bibo ganî bi lez peynîya cezaya dardekerdişan bîyara.”
Goreyê Rêxistina Heqê Merdiman ê Îranî serra 2024. de 31 ci ra cinî, bi temamî 975 kesî ameyî dardekerdiş.
