Şaristanê merkezî ê Saweyî yê Îranî de, girewteyê sîyasî ê ke çalakîyanê aşma çileyî de ameybî girewtiş, vera cezayanê giranan, îşkence û binpaykerdişê heqanê xo hepîsxaneyê merkezî ê Saweyî de dest bi grevê vîşanîya komkarî kerd.
Şaristanê merkezî ê Îranî de, hepîsxaneyê merkezî ê Saweyî de, girewteyê sîyasî ê ke çalakîyanê aşma çileyî de ameybî girewtiş, vera qeraranê giranan, neheqîya mehkeme û binpaykerdişê heqanê xo ê bingeyînan bi hawayêko rêxistinî dest bi grevê vîşanîya kerd.
Sazgehê heqanê merdiman hîşyarî danê ke semedê şert û merecanê xiraban ê hepîsxaneyê, heke waştişê girewte û keyeyan nêrê qebulkerdiş, beno ke trajedîyêka merdimî bêro ciwîyayene.
Muhakemekerdiş binê versîya îşkence û tedayanê sazgehanê ewleyîye de virazêno
Goreyê raporanê sazgehanê heqanê merdiman, cezayê giranî ke hetê Mehkemaya Şorişî ra vera girewteyan ameyê dayîş, bi îtîrafanê dara zorî û binê versîya îşkenceyan de bîyî. Mehkema bê pawitişê heqê sucdaran û bê cigêrayîşî xoserî, îdiayanê îşkence ser o qerar danê ke no çî binbaykerdişê krîteranê muhakamekerdişêko adîlane yo.
6 aşmîyo heqê pawitişî ra bêpar ê
Girewteyê nêzdê 6 aşmê ke Hepîsxaneyê Merkezî ê Saweye de yenê girewtiş. Raporê peyînî bale ancenê şertanê xiraban ê cuye, astengîyê vernîya xo resayîşê heqê weşîye û dewamkerdişê tedayê girewteyan ser o. Sewbîna ame eşkerakerdiş ke girewteyê aşma verêne de heqê resayîşê avûkatêk xoser û têkîlîya keyeyê xo ra bêpar ameyê verdayene.
Cuya girewteyan tehluke de ya
Destpêkerdişê grevê vêşanîye ya komkarî, fikirîyayîşê rewşa weşîya çalakeran ser o zêdeyê kerd. Pawitoxê heqê merdiman, hîşyarî danê ke domnayîşê nê grevî, binê nê şertanê xiraban de, cuya girewteyan erzena tehlukeyêko cidî.
Keyeyê girewteyan waştişê vindarnayîşê cezayanê giranan, muhakemekerdişêko adîl seba dosyayan, peynî ardişê tedayanê ewleyî û rêzgirewtişê heqê qanûnî ê çalakîkeran kerd.
