Gulten Kışanak a ke beşdarê bernameya Îzmîrî bîye diyar kerd ke Elewî her tim û her ca de hetê heq, heqîqet û mezlûman de vindertê û na sey felsefeya cuyayene qebul kerda.
Hemkarîya Kongreya Demokratîk a Şaran, Komeleyê Elewiyanê Demokratîk (DAD) û Komeleyê Piştîyayewbînangirewtiş yê Kanîreşî yê qezaya Bayrakli ya Îzmîrî bernameyê “Ma bi çira beyt û pirananê xo 8ê Adare hemêz kenê” ame kerdene. Bernameye teybîyayena Aktîvîsta Tevgera Cinîyê Azad (TJA) Gultan Kışanakê ame kerdene. Kombîyayîş de pankartê “Ma roştîya cînîyanê ke tekoşîna heq û heqîqetê da ramitene de rayra şonê” ame yakerdene û kilamî ameyî vatene.
‘Raya ma raya heq û heqîqetî ya’
Bernameye de Gultan Kişanake bale ante serê muhimîya nê kombîyayîşan û da zanitene ke sebe rojanê azadanê vernîya ma ganî ma cinî paştî bidim yewbinî. Kişanake wina vat: “Nê bawerîyê ma, felsefeya ma ya cuyayene û hîsê ma yê. Helbet rîtuel û îbadetê ma cîya cîya est ê, la çimeya bingeyîne ê gêrayîşê edeletî û heqîqetî ya. Eke ma wazenê na raye bidim ramitene ganî ma her tim hetê mazluman de ca bigim û vera zaliman tekoşin bikim.”
Vengdayîşê 8ê Adare
Gultan Kişanak ard vîrî ke 8ê Adare roja xoverdayîşî, pîyabîyayene û gêrayîşê heqana û wina vat: “Ma îtarê çike ma tekoşîna pîyabîyayena cinî û camêrdan, têduşîya nasname û şaranê cîyayan her tim gandar bikim û naye rêxistin bikim.”
‘Gan3i Îran rejîmê hîrêdaran bivurîyo’
Gultan Kişanak peynîya qiseykerdişê xo de bale ante serê rewşa Îranî û rejîmê îdamî û mergê kurdan û alikaranê azadîye ferk kerd û da ramitene. Kişanake wina vat: Ma hêrişanê emperyalîst şermezar kenê, la eynî wextî de wazenîme ke o rejîmê meleyano ke şaran qir keno zî bêro vurîyayene.”
Bername bi parekerdena loqme û dîyarîyan ame qedênayene.
