Sekreterê Pêroyî yê Neteweyanê Yewbîyayeyan Antonio Guterresî vengdayîşê Rayber Apoyî sey roşnêkê hêvî yê semedê çareserkerişê pêkewtişan ke xeylê wexto dewam kenê, name kerd.
Sekreterê Pêroyî yê Neteweyanê Yewbîyayeyan (NY) Antonio Guterresî derheqê vengdayîşê Rayberê PKK Abdullah Ocalanî eşkerayîye daye. Vervatoxê Sekreterê Pêroyî yê NY’yî Stephane Dujarricî kombîyayîşê çapemenîye kerde û mesajê Guterresî wend.
Dujarricî vat: “Rayberê Partîya Karkeran a Kurdîstanî Abdullah Ocalanî veng da servananê xo ke wa çeke ronê û PKK’yî fes bikerê. Ez texmîn kena ma pêrune nê xeberî seyr kerdî. Sekreterê Pêroyî no averşîyayîşo muhîm bi keyfweşî verwazî kerd. Goreyê Sekreterê Pêroyî no averşîyayîş semedê çareserkerdişê pêkewtişan ke xeylê wexto dewam kenê, roşnêkê hêvî yo.”
