Hemserekê DEM Partî badê têkilîya ke Abdullah Ocalanî reyde ameya kerdene, dîyarkerdişêk pare kerd. Hemserekan ke bale ant muhîmîya Meclîsî ser o û va “firsendêko tarîxî ma vera yo” û “Nika seba aştîya birûmete wextê cesaretî yo “.
Hemserekê DEM Partî Tulay Hatîmogullari û Tuncer Bakirhanî badê têkilîya ke heyetê DEM Partî û Abdullah Ocalanî Îmralî de viraşt û dîyarkerdişê ke ame kerdene, hesabanê xo yê medyaya sosyale ra dîyarkerdişî pare kerdî.
Hatîmogullari no proses wina name kerd: “‘Firsendêko tarîxî ma vera yo, ma şênê pîya ameyoxî roşn bikerê.”
‘Meclîs cayo tewr muhîm yê nê prosesî yo’
Aye qiseykerdişê xo de va: “Nirxnayîşê Rêzdar Abdullah Ocalanî yo Îmralî ra, vengdayîşêko tarîxî yo ke şêno qederê Tirkîya û mintiqa bivurno. Xurtkerdişê îttîfaqê tirk-kurdan û bîyo destpêkerdişê prosesê aştîya demokratîke, berpirsîyarîyêka ke êdî nêeşkena bêra taloqkerdiş.
Nê prosesê krîtîkî de ganî heme dorûverê sîyasî gaman bierzê. Meclîsê Miletî yê Tirkîya yo Pîl (TBMM) cayo tewr muhîm yê nê prosesî yo.
Gamê ke ma do bierzê, rayîrê aştî, demokrasî û birayîye ganî nê gaman ra bivîyaro. Na noqta de wa kesî de şik nêvirazîyo ke ma sey DEM Partî do her berpirsîyarîye biyarê ca û pêşnîyazê çareserkerdişî bikê zêde.”
