Hepsî Reza Muhammed Hasan, mohrkerdişê cezayê îdamî yê Pexşan Ezîzî û hepsîyê sîyasî ser o mesajêk weşan kerd û mesaj de Reza Muhammed Hasan va ke hembarîya cezaya îdamî mekerê
Hepsîya sîyasî Reza Muhammed Hasan Hepisxaneyê Qizilhesarî yê Kerecî de yeno tepiştiş. Reza Muhammed Hasan mohrkerdişê cezayê îdamî yê Pexşan Ezîzî û hepsîyê sîyasî ser o mesajêk weşan kerd û mesaj de Reza Muhammed Hasan va ke rejîm verba waştişê şaran de xo ecîz vîneno û no ser muxalîfan ra cezaya îdamî dano.
Reza Muhammed Hasan wina va: “Pexşan Ezîzî û hepsîyê sîyasî ra dayişê cezaya îdamî reyde nêeşkenê vengê azade, bêveng bikerê. Ma do sey hepsîyê sîyasî vengê şarî bibê, çimkî bêvengî hembarbîyayayiş o.”
Pawitox Emîr Reîsîyan aşkera kerdbî ke Mehkemeya Berze ya Îranî cezaya îdamî ya Pexşan Ezîzî mohr kerda û heme belgeyê înan ê pawitişî zî red kerda.
