Ewro Wan, Çewlîg, Şirnex,Mûş, Stewr, Nisêbîn, Wêranşar, Hewag, Pirsûs û Tetwan de Newroze yena pîrozkerdene. Şar bi tîlîlî sloganan adirê Newroze tafîneno û semedê azadîya Rayberê Şarê Kurdî Abdullah Ocalanî qîreno.
Şarê kurdî bi rojan o bi rengan, tîlîlîyan, sloganan û waştişê xo yê haştîye û azadîye vejîyeno waran Newroze pîroz keno û wayîrê vengdayîşê Rayberê Şarê Kurdî Abdullah Ocalanî vejîyeno.
Ewro zî xeylê bajaranê Kurdîstanî de bi şîarê “Rayberîya Azade, Komelo Demokratîk” û “Semedê Azadîye Newroza Komelê Demokratîkî” Newroze yena pîrozkerdene.
Wan, Çewlîg, Şirnex, Mûş, Stewr û Nisêbînê Mêrdînî, Tetwanê Bedlîsî, Wêranşar, Hewag û Pirsûsê Riha de şar bi kincanê xo yê neteweyî,tîlîlî, slogan û govendan adirê Newroze fîneno ta.
