Cenazaya Fehîm Tosun ke taxa Elbês a qezaya Elbak a Wanî sînorê Îranî ser o 4 rojan ra ver ame qetilkerdene, hema nêame girewtene.
Goreyê agahîyan cenazaya Tosun sînorî ser o, cayo ke tede ame kiştene, çar rojî yo yeno vindertene. Seba girewtişê cenaza keyeyê Tosunî û welatîyê taxe paweyê dozger ê ke pisporanê mayînan reyde şêro cayê hedîse.
Merdimê Fehîm Tosun û welatîjê Taxa Elbês bi rojan o pawenê ke rayedar game bierzê û cenaza bigîrê. La rixmo ke 4 rojî ser ra vîyartê, hema cehdêk nêameyo kerdene.
Goreyê agahîyan welatijê taxe vanê, cayê hedîse de verdayîşê cenaza dejê keyeyî hîna zaf giran keno.
