Her çiqas hereketa Roşanê Qurbanî qezaya Sûrî ya Amedî de bibo zî la welatijî vanî ke înan de kêf, weşî û kelecanê roşananê verî nêmendo û seba vaybîyayîşî bi gerra û qazinc ê.
Bi ameyîşê Roşanê Qurbanî sûk û bazar zî bi hereket bîyê. Qezaya Sûrî ya Amedî de bi ameyîşê roşanî ra seranserî Cadeya Gazîyî bi hereketa welatijan bar bî. Hetêk ser cade de cil û berg û şekir ameyî ronayîş û hetêk zî sirkulasyonê welatijan bal anceno ser xo. Her çiqas ver dikanan û ser cadeyan bi kelmelê roşanî xemilî bibî zî la merdim destveng şonî û yenî û seba vaybîyayîşî bi gerra û qazinc ê.
Welatij û dikandaran ajansê ma rê qisey kerd û dîyar kerd ke kêf, weşî û kelecanê roşanê verî nêmendo û seba krîzê ekonomiye nêeşkenî lazimeyanê xo yê seba roşanî zî bigê. Dikandar û welatijî zî bi gerra û gazinc ê û dîyar kerd ke welatijî nika nêeşkenî cil, şekir û şîranîyî bigê.
Dikandarî vanî ke rîyê vaybîyayîşî ser o, sey verî nêeşkenî kelmelî biroşî, welatijan zî ardî ziwan ke rîyê krîzê ekonomî ê nêeşkenî lazimayenê xo bigê.
