Efrin, Serêkaniyê, Girê Spî û Minbic ke binê îşxalê dewleta tirke û çeteyanê ci de yê zereyê serrêke de vera cinîyan bi seyan sûcê sey cînayet, şîdet, tecawuz, îşkence û remanîyîşî ameyî kerdene.
Efrin, Serêkaniyê, Girê Spî û Minbic ke binê îşxalê dewleta tirke û çeteyanê ci de yê zereyê serrêke de şîdetê vera cinîyan serra peyêne zêdîya. Cigêrayîşê xoser zehmet bi zî raporê cayî binpaykerdişanê giranan mojnenê ra.
Goreyê raporan serrêke de Efrîn, Serêkaniyê û Girê Sipî de 25 cinîyî ameyî kiştene, 37 cinîyî birîndar bîyî û 23 cinîyî ameyî remnayene. Efrîn de remnayîş û îşkence bi taybetî vera cinîyan êdiyan bizorî bedilnayîşê dînî zextî zêdîyayî. Efîn de 14 cinîyî ameyî kiştene, 22 cinîyî birîndar bîyî û 30 cinîyî ameyî vînîkerdene.
Goreyê doneyanê Rêxistina Heqanê Merdiman a Sûrîye
Minbic de netîceya SÎHA, hêrişê çekda û teqayîşan de 19 cinîyî ameyî qetilkerdene, 30 cinîyî birîndar bîyî. Efrîn de netîceya hêrişanê çekdaran û xokiştişanê şikerdeyan de 7 cinîyan dinyaya xo bedilnaye û 3 cinîyî birîndar bîyî. Kantonanê Cizî rû Firatî de hêrişanê topan û SÎHAyan de 5 cinîyî ameyî qetilkerdene, 7 cinîyî birîndar bîyî.
