Wezaretê Pawitişê yê Îraqî eşkera kerd ke hêrişê Anbarî yê serê hêzanê Haşdî Şabî de 7 çekdarê înan ameyê kiştene, 13 çekdarê înan zî birîndar bîyê.
Ewro qezaya Henbanîye ya şaristanê Anbar a Îraqî ra teyarayanê şerî kampê Haşdî Şabî bombabaran kerd.
Wezaretê Pawitişî yê Îraqî derheqê hêrişî de eşkerayîyêka nuştekî vila kerd. Goreyê eşkerayî netîceyê hêrişî de 7 çekdarê Haşdî Şabî ameyê kiştene û 13 çekdarî zî birîndar bîyê.
Wezaretî hêrişî sey binpaykerdişê bandureyê welatî biname kerd û wina vat: “No hêriş suc o û îşaretê averşîyayîşanê tehlukeyan keno û hewceyî bi cewabêko huşk û cipersayîşê berpirsiyaran est o. Hedefgirewtişê sazgehan suc o, semedo de sazgehî yenê hedefgirewtene, heme zî girêdayê xelasîyayîşê cuye yê û tedarêkê çimdarîye seba hêzanê emnîyetî yo. No hêrişo tersonek nêbeno sebeb ke xebatkarê ma gureyê xo vindarnê, eksê ci îradeyê înan ê seba xizmetê şarî û welatî xurtêr keno. Goreyê qanûnî cewabê mudaxeleyan, heqê Wezaretê Pawitişî yo.”
