Heyetê CHP’yî ya ke vera tayînkerdişê qeyûmê Şaredarîya Bajarê Girdî yê Wanî amebî bajar pîya yew eşkerayîye dê. Mahîr Başarirî va “Hetanû nika ma teslîm nêbîme, nayera dime zî nêbenîme.”
Çalekîyê protestoyî yê ke vera tayînkerdena qeyûmê Şaredarîya Bajarê Girdî yê Wanî de dest kerdbî ci hîna dewam kenê. Heyetê CHP’yî ya ke sereketîya Serekwekîlê Koma CHP’yî Alî Mahîr Başarir ameyî wan. Heyetê CHP’yî şî serdana DEM Partîya yê Wanî û dimera zî pîya eşkerayîyê dê.
Îtade verî Hemserekê DEM Partîye yê Bajarê Wanî Veysî Dîlekçî “Şarê Wanî 31ê Marte de vindertenê de xurte nîşan dê. Herkes gerê naye rind biwano. Çi heyf ke hîna mabênde 1 aşme derbaz nêbîya îmza erzîye bêhuquqîye û sereştîşê serê Şaredarîye bî û îradeyê şarê Wanî ame xespkerdene. Semedê nî polîtîkayan nê welatî de vêrnîya demokrasî girotena. Ne ma ne zî şarê ke Tirkîya de cuyenê kes na bêhuqîye qebul nêkeno” ard ziwan.
‘Na bêrêzîye tena vera şarê Wanî nêbîye’
Dima î ra Hemşeradarê Şaristanê Girdî yê Wanî Abdullah Zeydanî qesî kerd: “Îradeyê weçînîtox û şarî, sandiqî, weçînîtiş pêro lingânê demoqrasî anê ca. Çi heyf îtade îradeyê şarî çinê saybeno. Milyone û 200 kes nê bajarî de cuyeno. Pê na polîta no şarî ra vacîno ke ‘Şima şarê nê welatî nîyê.’ Na bêrêzîye teyna vera şarê Wanî nêbîya, vera 85 mîlyon însanî bîya.”
‘Her siba ma bi yew bêhuquqîye heşar benê’
Dima Abdullah Zeydanî ra Serekwekîlê Gruba CHP’yî Mahîr Başarirî qesî kerd: “Şarê Wanî yew walî wenêçînit yew Serekê Şariştane çinitwe. Çi heyf raya 3. ya ke şarê Wanê beno hepsîyê qeyûmî. Ma naye qebul nêkenîme. Ma wazenîme ke demoqkirasî bi her hetê xo ra bêro ca, bêro raye ra berdene. Her siba ma yew bêhuqûqîye rê heşar benê. Kanuno Bingeyîn werte ra vazno ra. Temînatê Hakîmî, azadîya çapemenîye, azadîya fikir û rêxistinbîyene çinîya. Yew ekîpa Enqerayî Tirkîya teslim girota.
Na teyna meseleya Wanî nîya yê 86 mîlyon însanî ya. Ma şarê Wanî teyna nêverdanî me. Seba pîya reaksîyon nîşan dayene ma îtaderî me.”
Dima Mahîr Başarirî ra Wekîlê CHP’yî yê ke teba heyete amebî înan zî yew qesîkerdene viraşte.
