Heyetê DEM Partî derheqê pêvînayîşê Erdogan reyde eşkerayîyêka nuştekî pare kerd. Eşkerayî de ame vatene ke prosesê ser o erjîyayîşê hîra ameyê kerdene û seba averşîyayîşê prosesî hetê eştişê gamanê laziman ra pêkerdo.
Heyetê Partîya Têduştî û Demokrasî ya Şaran (DEM Partî) yê Îmraliyî Pervîn Buldan û Mîthat Sancar Serekkomarê Tirkîya Recep Tayyîp Erdogan reyde Qesra Serekkomarî de pêvînayîş kerd.
Serekê MÎT’î Îbrahîm Kalin û Cagirê Serekê AKP’yî Efkan Ala zî beşdarê pêvînayîşî bîyê. Pêvînayîş nêzdîyê saetêk dewam kerd. Heyetê DEM Partî derheqê pêvînayîşî de eşkerayîyêka nuştekî daye.
Eşkerayî wina ya: “Pêvînayîşî de ma qonaxê nikayin ê Prosesê Aştî û Komelê Demokratîk û gamanê lazim ê ameyoxî ser o erjnayîşê hîra kerdê. Ma bi keyfweşî vanê ke ma seba averşîyayîşê prosesî, gamê ke ganî bêrê eştene, ma înan ser o pêkerd û ma resayê fikrêko hempar.”
