Heyetê DEM Partî yê Îmraliyî seba ke Rayberê Şarê Kurdî Abdullah Ocalanî reyde pêvînayîş bikero, ver bi Girawa Îmraliyî kewt rayîr.
Heyetê Partîya Têduştî û Demokrasîyî ya Şaran (DEM Partî) yê Îmraliyî seba ke Rayberê Şarê Kurdî Abdullah Ocalanî reyde pêvînayîş bikero, ver bi Girawa Îmraliyî kewt rayîr. Mîyanê heyetî de Parlamentera Wanî Pervîn Buldan, Parlamenterê Rihayî Mîthat Sancar û endamê Buroyê Huqûqî yê Seserrî avûkat Faîk Ozgur Erol ca gênê.
Erjeno merdim vajo ke Heyetê DEM Partî yê Îmraliyî tewr peyên 3ê teşrîna peyêne de Rayberê Şarê Kurdî Abdullah Ocalan reyde pêvînayîş kerdbi.
