Heyeto ke hemserekane DEM Partî, parlamenter, temsîlkarê baro û rêxistinanê komelkî ra ameyêne pê, vîyart Rojavayê Kurdîstanî û hetê temsîlkaranê Rayberîya Xosere ra ameyê pêeşwazîkerdene.
Heyeto ke Hemsereka Pêroyî ya DEM Partî Tulay Hatimogullarî, Hemserekê Pêroyî yê DBP’yî Pêroyî Keskîn Bayindir, Verfeka Înîsîyatîfê Yewîya Demokratîke Gulcane Kaçmaz Sayyîgît, Înîsîyatîfê Yewîya Demokratîke ra Îmam Taşçier, Verfeka SODAP’î Kezbane Konukçu, Verfeka TJA’yî Çîmene Fîdan, Dayîka Aştî Asya Tay, Îdarekarê OHD’yî Mehmet Alî Aslan, Endamê Kongra Îslamê Demokratîkî Alî Angay, Parlementerê DEM Partî Alî Bozan, Serekê Baroyê Mardînî Ahmet Duyan, Serekê Baroyê Amedî Abdulkadîr Guleç û Endamê Heyetê Îdareyî yê Baroyê Batmanî Rûstem Siyahtaş tede ca girewtêne, resa Berê Pêşxabûr ke mabênê Başûr û Rojavayê Kurdîstanî de yo.
Hetê partîyanê Başûrî ra ameyê pêşwazîkerdene
Heyet dima ke Berê Îbrahîm Xelîlî ra vîyart, hetê Partîya Zehmetkêşan, Partîya Komunîst, Bizotneteweyê Kurdistan û Înîsîyatîfê Yewîya Zaxo ra ame pêşwazîkerdene. Dimayê pêşwazîkerdişê heyet temsîlkaranê partîyanê sîyasê yê Başûrî reyde ame têhet. Heyet dima vîyart Berê Sînorî yê Pêşxabûr.
Heyet ame pêşwazîkerdene
Heyet hetê temsîlkaranê partîyanê sîyasî yê Başûrî ra heta berê sînorî şi. Heyet dima ra Berê Sêmalka ser ra vîyart Rojavayê Kurdîstanî. Yeno pawitene ke pêvînayîşî ra pey eşkerayî bêra dayene.
