Heyetêkê Îdareyê Xoserî yê Rojawanê Kurdistanî wekîlanê Parlementoyê Ewropa û komanê parlementoyî reyde dest bi pêvînayîşan kerd.
Heyetêkê Îdareyê Xoserî yê Rojawanê Kurdîstanî wekîlanê Parlamentoyê Ewropa û komanê parlamentoyî reyde dest bi pêvînayîşan kerd. Heyetê Îdareyê Xoserî Temsîlkarê Ewropa Ebdulkerîm Omer, Hemserekê HDP’yî Cahît Kirkazak, Temsîlkaranê DEM Partî yê Ewropa Eyup Doru û Faîk Yagizayî ra yeno pê.
Heyetî vizêr verê Koma Çepe de pêvînayîş kerd. Tîya de Ebdulkerîm Omerî derheqê hêrişanê vera Rojawanî û Sûrîye, tehlukeyê DAÎŞ’î û rewşa herême de agahîyî dayî. Omerî Koma Çepe ra waşt ke wa heyetêkî bi lez bierşawa Rojawanî.
Omerî ard vîrê înan ke dewleta Tirke paştî dana DAÎŞ’î coka herême de tehlukeyê DAÎŞ’î nêqedîyeno. Omerî vat ke ê do heta peynî vera hêrişan Rojawanî bipawê û waşt ke welatê Ewropa zî hemverê hêrişan de têbigêrê.
Omerî cewab da persanê wekîlanê Fransa, Elmanya, Swêd, Danîmarka, Yewnanistan û Portekîzî yê serê serebûtanê Îdareyê Xoserî û serebûtanê peyênan.
Wekîlan zî pare kerd ke muhîm o ke Îdareyo Xoser ê Rojawanî bipawîyo.
Pêvînayîşê Heyetî do ewro zî dewam bikerê.
