Verfekê Neteweyanê Yewbîyayeyan (NY) Stephane Dujarricî vat ke cagirê temsîlkarê taybet ê Sûrîye Claudio Cordone nika Şam de yo.
Neteweyanê Yewbîyayeyan eşkera kerd ke cagirê taybet ê Sûrîye Claudio Cordone nika Şamî zîyaret keno ke rayedaranê hukmatî û hetê sîyasî û rêxistinanê komelê sîvîlî redye çarçewaya hîrakerdişê piştgirîya NY’yî de bêro têhet.
Dujarricî kombîyayîşê çapemenî yê rojane de eşkera kerd ke Claudio Cordone do rayedaranê hukmatê demkî yê Sûrîye, aktorê sîyasî, sazgehê NY’yî hemkarê dîplomatîk û endamê komelanê sîvîlî reyde bêro têhet.
Dujarricî dîyar kerd ke demê zîyaretî de seba peydakerdişê îmkananê newe yê hemkarîya hukmatî reyede, seba xurtkerdişê pawitişê gedeyan û hîrakerdişê piştgirîya NY’yî ser o muanqeşayî ameyê kerdene.
Dujarricî vat ke berpirsê NY’yî dîyar kerd ke teqemenîyê ke nêteqîyayê û mayînê bejayî hema zî problemêko gird o û hemkaran ra waşt ke seba çareserkerdişê nê problemî piştgirîya cehdanê NY û Sûrîye bikerê.
