Komîsyonê Meclîsî kombîyayîşê xo yê peyênî de raporo hempar qebul kerd û do rapor seba Komîteya Pêroyî ya Meclîsî bêro erşawitene. Nika ra pey pêşnîyazê ke rapor de yê ganî sey qanûn bêrê amadekerdene. Do êdî çimê raya pêroyî raporî de bibê ke do Meclîs de çi qerarî bêrê dayene.
Komîsyonê Meclîsî ke 5ê tebaxa 2025î waştiş û pêşnîyazê Rayberê Şarê Kurdî Abdullah Ocalanî ameyo awankerdene, heta ewro xeylê sazgeh, kesayet û hetî goşdarî kerdê û pêşnîyazê înan kerdê zabit. Komîsyon encamê munaqeşa û cehdanê girdan de şi Îmrali û Abdullah Ocalanî reyde pêvînayîş kerd. Komîsyonî kombîyayîşê ewroyî zî tede heta ewro 21 kombîyayîşî kerdê. Kombîyayîşî ewro qedînayîşê raporê hemparî xebatê xo qedînayê û rapor bi 47 rayan ame qebulkerdene.
Rapor de 7 madeyî ameyê nuştene û binê nê madeyan de zî sernuşteyê babetan û çîyê ke do bêrê kerdene erjnayê. Rapor bi pêroyî 83 rîpelan ra yeno pê û nê madeyî yanî pêşnîyazê mîyanê raporî de do seba Komîteya Meclîsî bêrê erşwitene. Heme partîyê sîyasî yê endamanê komîsyonî û hîna zaf zî endamê DEM Partî pawenê ke pêşnîyazê ke ameyê kerdene, Komîteya Pêroyî ya Meclîsî de bêre amadekerdene.
Madeyê ke raporî de ca griewtê, wina yê:
1 – XEBATÊ KOMÎSYONÎ
* Proseso ke ver bi awankerdişê Komîsyonî şîyo
* Awankerdişê komîsyonî, prensîbê xebat û bingehî
* Prensîbê ke esasîya awanîya Komîsyonî de ameyê girewtene
* Resayîşê Demokratîk ê Xebatanê Komîsyonî
* Seba Komîsyon bibo komelkî muhîmîya ci û vernîyîya ci
2 – AMANCÊ BINGEHÎN Ê KOMÎSYONÎ
* Amancê “Tirkîyeya bêterore”
* Amancê Hêzdarkerdişê Demokrasî
* Amancê Vêşkerdişê Rehetîya Averşîyayîşî û Aborî
3 – BINGEYÊ TARÎXÎ Û HÛQÛQÎ WAÛBIRATÎYA TIRK Û KURDAN
4 – QADÊ MUTABAKATÎYA KESANÊ KE KOMÎSYONÎ AMEYÊ GOŞDARÎKERDIŞÎ
5 – XWOFESIXKERDIŞÊ PKK’YÎ Û ÇEKRONAYÎŞÎ
6 – PÊŞNÎYAZÊ BEDILÎYAYÎŞÊ QANÛNÎ YÊ DERHEQÊ PROSESÎ
* Astê Krîtîk: Çekronayîşê Rêxistine
* Bedilîyayîşê Qanûnî yê Do Hemkarîya Komelkî Bihê Bikerê
* Rewşa endamanê rêxistine
* Hevmkarîya Komelkî
* Mekanîzmayê Taqîbkerdişî û Raporkerdişî
* Temînkerdişê Ewleyîya Qanûnî ya Kesanê ke Prosesî de Wezîfe Girewta
7 – PÊŞNÎYAZÊ DERHEQÊ DEMOKRATÎKBÎYAYÎŞÎ
* Qerarê ke Mehkemaya Heqanê Merdiman a Ewropa (DMME) û Mehkemaya Qanûno Bingeyîn (AYM)
* Bedilîyayîş Derheqê Muhakemekerdiş û Înfazî
* Bedilîyayîşê Derheqê Hîrakerdişê Heq û Azadîyan
* Rayberîyê herêmî
Hîrayîya raporê hemparî wina yo: TASLAK_milli_dayanisma_rapor_ (1)
