Serekê Meclîsî Numan Kurtulmuş dimayê kombîyayîşê komîsyonî dîyar kerd ke seba ke kayê emperyalîstan bêrê pasîfkerdene ganî waûbirayî xurt biba û vat: “Helbet waûbirayî tena bi vatişan nebena, haya mi ci ra est a ke seba ke lazimtîyê huqûqê waûbirayî bêrê ca, ganî gamî bêrê eştene.”
Komîsyonê Meclîsî kombîyayîşê 20. de bi pêşkêşîya ke Dr. Murat Sevencan û Prof. Dr. Havva Kok Arslanî de detayan ser o analîzêko akademîk amade kerdbi û qiseykerdişanê endamê komîsyonî yê partîyanê sîyasî qedîya. Kombîyayîşî ra pey ame dîyarkerdene ke xebatê komîsyonî 2 aşmî ameyê dergkerdene.
‘Huqûqê waûbirayî lazim o’
Serekê Meclîsî Numan Kurtulmuşî kombîyayîşî ra pey qisey kerd û îfade kerd ke seba awankerdişê aştî û waûbirayî demê înan zaf nêmendo û wina vat: “Demo ke ma hedîseyanê ke dinya qewimîyenê, înan ra ewnîyenê, ganî ma rewşa zereyî xurt bikerê. Ganî ma kayanê emperyalîstan cografyaya xo ser o pasîf bikerê. Rayîrê ey zî awankerdişê waûbirayîyêka ke heta qiyametî dewam bikero, ey ra vîreno. Helbet waûbirayî tena bi vatişan nêbena, haya mi ci ra est a ke seba lazimtîyanê huqûqî wayûbirayî bêro ca, ganî gamî bêrê eştene. Eke ma goreyê ruhê demî tênêgêrê, tena xebatê komîsyonî nê eynê wextî de çi heyf ke Tirkîya zî nê firsendê tarîxî ra beranê xo bigîra. Seba ney zî ganî her kes berpirsîyarîya ke kewena milê înan bîyarê ca. Ez hêvî kena ke ma nê xebatanê xo biresnê encamêk.”
