Ajansê Xeberan ê Aktîvîstanê Heqenê Merdiman ê Îranî ke merkezê ci Amerîka de yo (HRANA) derheqê protestoyanî ke 28ê kanûna 2025î de pêroyê welatî de destpêkerdbî, raporêk weşana. Goreyê raporî Îran û Rojhelatê Kurdîstanî de tewr kêm 4 hezar û 251 merdimî ameyê kiştene.
Goreyê raporî protestoyanê Îran û Rojhelatî Kurdîstanî de tewr kem 4 hezarî 251 kesî ameyê qetilkerdene ke 33ê înan zî gede yê. Ame dîyarkerdene ke mergî ke hema zî cipersayîşê înan dewam keno, înan reyde hûmara kesanî ke vîndî bîyê, resaya 9 hezar û 49î. HRANA’yî eşkera kerd ke protestoyan de tewr tay 5 hezar û 811 kesî bi giranî birîndar bîyê, 26 hezar û 314 kesî ameyê girewtene.
Rapor de ame dîyarkerdene ke semedê birîyayîşê têkîlî, tedaya vera keyeyan û astengîya vera girewtişê agahîyan beno ke hûmara rewşa rastîne nêmojno.
Rapor de sewbîna behsê erjê doktor û pisporanê tibê edlî ame kerdene. Pisporan eşkera kerd ke binpaykerdişê tibî yê cidî vera birîndar û kesanê ke cuya xo vîndî kerda, ameyê kerdene, prosesê tedawî de merg, birîna guleyan bêtedawîverdiş, herindê îşkenceyanê giranan û ûsn. ameyê tesbîtkerdene. Ame dîyarkerdene ke krîzê heqê merdiman ê Îranî vejîyayê daraxêko hîna tehlukeyêr.
Goreyê HRANA’yî protestoyî bi 629 çalakîyan 188 şaristan û 31 eyaletanê welatî de virazîyayê. Ame vatene ke rejîmî binê nameyê “îtîrafî” de 167 dîmenî weşanayê.
