Merkezê Resnayîşî yê HSD’yî bi eşkerayîyêk bîlançoyê operasyonanê ewleyî û leşkerî yê hemverê çeteyanê DAIŞ’î yê 2025î weşana.
Merkezê Resnayîşî yê Hêzanê Sûrîya Demokratîke (HSD) bi eşkerayîyêk bîlonçayê operasyonanê ewleyî û leşkerî yê hemverê çeteyanê DAIŞ’î yê 2025î eşkera kerd.
Eşkerayî de ame dîyarkerdene ke encamê operasyananê HSD û Yewîneya Pawîtîşê Cinîyan (YPJ) de bi desan kesê ke tewrê çalakîyanê terorî bîyê, ameyê girewtene û kiştene. Eynê wextî de destekdayîşê lojîstîk ameyê abirnayîş, ca û merkezê DAIŞ’î ameyê rijnayîş û çek û teqebarî verî ke mîyanê sîvîl û sazgehanê resmî de bêrê teqnayîş, ameyê gîrewtene.
Eşkerayî de ame dîyarkerdene ke bi taybetî kontrolkerdîşê rayîran, kamp û hepisxaneyê çeteyê DAIŞ’î operasyonan pawitişê bi milyonan sivîl, pawitişê aramîye û vernîgirewtişê agêrayîşê DAIŞ’î de rolêko sereke kay kerd.
Dewamê eşkerayî de ame dîyarkerdene ke tewrê qelskerdîşê DAÎŞ’î, hema zî endîşeya seba înan est a û hewl danê ke ê vengayîya ewleyî ra îstîfade bikerê û aramîye orte ra wedarnê.
Eşkerayî de hêvîya domnayîşê tekoşînê hemverê terorî bi metodanê leşkerî, ewleyî, komelî û fîkrî bi hemkarîya hemkaranê mîyanneteweyî ameye tekrarkerdene
Goreyê eşkerayî humarî wîna yê:
Operasyonê ewleyî û leşkerî: 163
Operasyonê cigêrayîşî yê hîrayî: 3
Operasyonê sereştişî: 128
Pêkewtişê rasterast ê çeteyanê DAIŞ’î reyde: 32
Çeteyê DAIŞ’î yê ke ameyê girewtene: 140
Çeteyê DAIŞ’î yê ke ameyê kiştene: 13, nînan ra 3 kesî serçete yê
Mayînî ke ameyê îmhakerdene: 79
Herişê DAIŞ’î: 220
Nisbetê operasyonanê hemverê DAIŞ’î goreyê mintiqayan wina ame dîyarkerdne.
Derûdorê dewan de se ra 70
Şaristan û qezayan de se ra 20
Rayîranê serekeyan de se ra 10
Mîyanê serre de metodê hêrîşanê DAIŞ’î:
Grûbê nimiteyî yê qijî
Mayîn û damê qijî
Hedefgirewtişê sîvîlan û binawanî
Propaganda û ziwanê nefretî
Encamê serekeyî wina ameyê diyarkerdene:
Hêzê operasyonî yê DAIŞ’ê ame qelskerdene
Torê destekdayîşê lojîstîk û hemkarê înan yewbînan ra ameyê abirnayîş
Vernîgirewtişê bi desan hêrişanê vera sivîlan
Xurtkerdişê aramîya mintiqa
