Hûmara 254. ya rojnameyê Newaya Jin bi sernameyê “Vera Şîdetê Komelkî Wextê Awankerdişê Komelêkê Demokratîkî yo” ame weşanayene.
Rojnameyê Newaya Jin hûmara xo ya 254. de derheqê tesîranê şerî, şîdetê vera cinîyan, awankerdişê komelêkê demokratîk, muanqeşayê ekonomîya komunale û têkoşînê cinîyan ê mîyanneteweyî de erjanîyîşê hîrayî kerdî.
Raperîn Munzur bale ante ser ke senî pirodayîşê dinya û yê Rojhelatê Mîyanênî sey formêko sîstematîk ê şîdetê vera cinî û komelî aver şonê.
Tevgera Jinên Kurd a Ewropayê (TJK-E) 4ê Nîsane de kampanyaya “Bi Jin, Jiyan, Azadî, Wextê Awankerdişê Komelêkê Komunal o” dabî destpêkerdene. Aktîvîst Songul Omurcan dîyar kerd ke amancê na kampanya, bi rayberîya cinîyan xurtkerdişê rêxistina demokratîk û komunal o.
Seval Balci, beşê xo yê “Demokrasî û Keye” de ca da roportajanê kesanê cîya-cîyayan reyde.
Selînay Yadsan zî konferansê cinîyan ê mîyanneteweyî yo ke Zurîh de virazîya, ey erjna.
Rîpelê forumî yê na hûmare de erjnayîşê Rayberê Şarê Kurdî Abdullah Ocalanî est ê. Nê erjnayîşan de yona vatene ke bedilîyayîşê komelkî rasterast xelasîya cinîyan reyde girêdaye yo.
Îlke Jîyan Ege, têkoşînê cinîyan ê mîyanneteweyî de dîyar kerd ke yewîya mabênê şaran dînamîkêko bingehên ê aştî yo.
Sultan Gulsun zî behsê modelanê alternatîf ê berardişî kerd ke vera sîstemê werdî yê meslekî ameyê peyda kerdene.
Zenda Leylan, roportajê xo yê Sawsan Chouman de bale ant ke şerê Lubnanî senî cuya sîvîlan ser o tesîr keno keno.
Fidan Yildirim na hûmare de cuye û xebatê aktîvîsta Îraqij-Amerîkajij Zainab Salbî erjanayê.
Gelawêj Ewrîn meqaleya xo de averşîyayîşê sîyasî yê Îranî ser de vindert û bala ante xozaya zordare ya sîstemî ser o.
Meqaleya Roza Metîna de behsê atolyeya ke Amed de virazîyaya û rêxistina ekonomîk a cinîyan ameyo kerdene.
Jannika Feldmann roportajê xo yê rojnameger û dîrektora belgefîlman a Îtalyayij Benedetta Argentieri reyde pare kerd. Argentîerî dîyar kena ke a bi taybetî hîkayeyanê cinîyan ê Rojhelatê Mîyanênî û Rojava ser o vinderta û belgefîlmî xeberanê nuştekîyan ra bihezêr pêşkêş kenê.
Hetê bînî ra, Sevda Can dîyasporaya kurdan a Ewropa de babeta pawitişê nasnameyê kulturî ser o erjnayîşê xo pêşkêş kerdî.
