Kovara Psyche: Mezg ke çend serrî ra ver bi kirmanckî dest bi weşanî kerdbi, demêk ra pey reyna bi hûmara xo ya hîrêyine vejîyena!
Kovara Psyche: Mezg de, nuşteyê cîya cîyayî yê psîkolojî û perwerdeyê taybetî ser o weşanîyenê. Kovare do nê rojan verê wendoxan de biba. Na hûmara kovare de babetê sey trawma, otîzm û evulosyonê mezgî tede ca gênê.
Edîtorê kovare nê çîyî vatî: “Raywanîya zanistîye, bi taybetî seba ziwanê ma, tena berardişê zanayîşî nîya, eynî wextî de pawitiş û neqlê ziwanî ya. Ma wazenê; ziwanî de zanistî, zanistîye de zî merdimî bigêrê û bi nê hawayî hem ziwanî bipawê hem zî merdimî bi ziwanê xo fam bikerê. Û ma çarçewaya xo zî hîra kenê û xo êdî sey kovara psîkolojî û perwerdeyî pênase kenê.”
