Hunermenda kurd a namdare Yelda Abbasî ke qezaya Şîrvan a Horosanî ra ya, hetê hêzanê hukmatî ra keyeyê may û pîyê xo yê Meşhedî de ameye girewtene.
Goreyê agahîyanî ke ameyê vilakerdene, hunermenda kurd a namdare Yelda Abbasî ya ke qezaya Şîrvan a Horosanî ra ya û Almanya de ciwîyena, hetê muhafizanê şorişî yê Îranî ra ke cilê sîvîlî xoradayê, vizêr keyeyê may û pîyê xo yê Meşhedî de ameye girewtene.
Goreyê agahîyanî ke ameyê vilakerdene ke Yelda Abbasî rîyê çalakîyanê xo yê derheqê “Jin jîyan azadî” ra ameya girewtene û verî derheqê aye de serrêk cezaya hepisxaneyî ameya dayene.
Ame dîyarkerdene ke gedeyêkê aye yo yew serre û nêm ê Yelda Abbasî est o û Almanya de ciwîyeno. Ame vatene ke ê seba betlaneyê Noelî embaz û gedeyê xo reyde ameybî zîyaretê keyeyê xo yê Îranî.
