Neticeyê hêriş û şerêko Îran de dewam keno, koçkerdişê mîyanê xo zêde bîyo. Goreyê raporê UNHCR’yî ra destpêkê şerî ra heta nika 3.2 mîlyon kesî cayê xo ra koçber bîyê.
Komîserîya Berze yê Koçberan ê Neteweyanê Yewbîyayeyan (UNHCR) serê koçberîya mîyanê Îranî de bi munasebetê şerî ra pê ameyo raporêk weşana. Rapor de tesîrê şerî yê serê sivîlan ame erjnayene û ame dîyarkerdene ke xeylê kesî şaristananê girdan ra ver bi dewan û herêmê nêzdîyê sînorî yê şinê. Yeno vatene ke bi taybet şaristananê girdan yê sey Tehran, Îsfahan, Şîraz û Tebrîz ra ver bi qezayanê qican û dewan koçêko girs virazêno.
Tehran veng beno
Nê şaristanan de tewr zêde koç Tehran ra ameyo qeydkerdiş. Goreyê agahîyan semedê ke hêrişî bi taybetî serê nê şaristanan de zêde bîyê, se hezaran kesî şaristanan ra vejîyayê û vera cayanê emnîyetan ra şîyê.
Hûmara koçberan zêdetir a
Sewbîna zî rapor de yeno vîr vistene ke teberê hûmara ke ameyê tespîtkerdene, asta koçî bi pêroyî nîşan nêdano. Goreyê çimeyanê herêmî zî koçkerdene şaristanan ra ver bi dewan ra yê ke doneyanê resmî de ameyê dîyarkerdene zaf zêdetir ê.
Şer tesîrê cuye û demografya keno
Averşîyayîşê peyênî mojnenê ke şer tena warê leşkerî de nîyo, serê cuya rojane de tesîrêko gird û demografya Îranî de zî vurnayîşanê muhîman virazeno.
