Hunermendanê kurd Cewat Merwanî û Berbang Hîlatî venga şarê kurdî da ke yewîya xo xurt bikerê û vat: “Ganî heme kurdî wirzê payan ser. Ma pîya na zulm û zordestîye erdê xo ra pak kenê. Serkewtiş teqez yê ma yo.”
Cewat Merwanî dîyar kerd ke kurdan ser o reyna qirkerdiş yeno ferzkerdene û vat: “Na fermane bi destê hêzanê îşxalkeran yena ramitene. Sere de dewleta tirke wazena kurdan nê erdan ra wedaro. Vera nê hêriş û planan, şervanê kurdî her ca de xover danê. Ma her ca de vera qirkerdişî têkoşîn bikerê û bibê yew. Ewro verê xo danê Rojawanî, siba verê xo danê Başûrî û rojêko bîn berê xo danê Vakurî. Heta nika kurdan 28 rey sere wedarnayo. Kurdan qet vera zulm û zordarî sere nêronayo. Ma reyna xover danê û ser kewenê.”
Berbang Hîlatî zî dîyar kerd ke tarîx bi qirkerdişêko newe xo tekrar keno û vat: “Rojawan de 15 hezar ciwanî şehîd bîyî û 30 hezar ciwanî birîndar bîyî. Rojawan tena Rojawan nîyo, heme şarê kurdî temsîl keno. Ewro cinî, ciwanî, pîl û qijî heme binê tehdîtê DAÎŞ’î de yê. Vengdayîşê mi Hewlêr, Şingal, Amed, Mehabad û Vakurê Kurdîstanî rê yo. Wirzîyê xo ser. Ma 60 milyon însan ê, ma bibê yew. Rojawan tena nîyo. Kêna û lajê Kurdîstanî wa erdanê xo bipawê.”
