Frankfurt û Munîh de semedê paştdayîşê Mehmet Çakasî ke Almanya wazena îadeyê Tirkîya bikero, standê îmzayan ameyî ronayene. Sîyasetmedaro kurd Mehmet Çakaso ke Almanya de yeno tepiştene, yeno plankerdene ke 28ê tebaxa 2025î de Tirkîya rê bêro tebersînorkerdene. Tirkîya de tehlukeyê zextê sîyasî, îşkence û muebetê giranî.
Bajaranê Frankfurt û Munîhî yê Almanya de çarçeweya kanmpanyaya îmzayan ke semedê azadîya sîyasetmedarê kurdî Mehmet Çakasî dîyaye destpêkerdene standê îmzayan ameyî ronayene.
Frankfurt de stando ke serkêşîya Meclîsê Şarî û Meclîsê Cinîyan ê Frankfurtî de meydanê Hauptwache de ameye ronayene vera îadekerdişê Çakasî xeylê îmzayî ameyî arêdayene. Çalakîye de vilaweka ke hetê KONMED’î ra ameye hazirkerdene ameye wendene û ame waştene ke wa qerarê tebersînorkerdişî cade bêro vindarnayene.
Munîh de zî hetê Meclîsê Komelê Kurdan ra Odeonsplatz stande Mehmet Çakasî rê Azadîye ame ronayene. Çalakîye de vilawekî yê ke hetê KON-MED’î ra ameyî hazirkerdene ameyî vilakerdene. Çalakîye de ame waştene ke wa cade qerarê tebersînorkerdişî yê Mehmet Çakasî bêro wedaritene û semedê paştdayîşê Çakasî ame vengdayene.
Sîyasetmedaro kurd Mehmet Çakaso ke Almanya de yeno tepiştene, yeno plankerdene ke 28ê tebaxa 2025î de Tirkîya rê bêro tebersînorkerdene. Tirkîya de tehlukeyê zextê sîyasî, îşkence û muebetê giranî…
