IFJ’yî seba 7 rojnamegeran vengdayîşêk kerd ke vîrardişê hemmeslekanê xo de ameyê tepiştene ke înan veradê
Rojnamegerî Nazim Daştan û Cîhan Bîlgîn ke bi hêrişê SÎHA yê Tirkîya ameyê kiştiş, seba înan Îstanbul de 21ê Kanûne de çalakîyêk ame kerdene. Na çalakî de rojnamegerî bi nameyê Gulîstan Dûrsûn, Hayrî Tûnç, Enes Sezgîn, Osman Akin, Can Papîla, Pinar Gayip, û Serpîl Unal ameyê destbendkerdene û dima ra ameyê tewqîfkerdene. Federasyonê Mîyannetewî yê Rojnamegeran (IFJ), seba 7 rojnamegeran hesabê xo yê medyaya sanale ser o beyanatêk da û waşt ke rojnamegerî bêrê veradayene.
IFJ’yî hesabê xo yê medyaya sanale Xî ser o wina vat: Rojnamegerî Nazim Daştan û Cîhan Bîlgîn ke bi hêrişê SÎHA yê Tirkîya Vakur û Rojhelatê Sûrîye de ameyê kiştiş, seba înan Îstanbul de 21ê Kanûne de çalakîyêk amekerdene. Na çalakîye de 7 hebî rojnamegerî ameyê tewqîfkerdene. Ma venga selahîyatdaran danê ke wa ca de nê rojnamegeran veradê.
