Ekrem Îmamoglu derheqê zîyaretê Hemserekanê DEM Partî de eşkerayî daye. Îmamoglu eşkerayî de dîyar kerd ke seba aştî û çareserîya menda ganî Meclîs de komîsyon bêro awankerdene.
Şaredarê Stenbolî yê Şaristanê Girdî Ekrem Îmamoglu ke Hepisxaneyê Marmara de girewte yo, derheqê zîyaretê 19ê hezîrane yê DEM Partî de eşkerayîyêka nuştekî daye.
Îmamoglu eşkerayî de dîyar kerd ke zîyaretê Hemserekanê DEM Partî Tulay Hatîmogullari û Tuncer Bakirhanî zaf biqîymet û muhîm bi û Îmamoglu dîyar kerd ke derheqê prosesê çareserîya meseleyê kurdî, gamê ke seba aştî lazim ê, xofesihkerdişê PKK’yî û xeylê babetanê bînan de qisey kerdo.
Ganî Meclîs de komîsyon bêro awankerdene
Îmamoglu dewamê eşkerayîya xo de nê çîyî vatî: “Goreyê fikrê min seba çareserîya meseleyê kurdî bi prensîbanê demokratîk ganî bi lez gamî bêrê eştene û Meclîs de komîsyon bêro awankerdene.
Sipasîya DEM Partî
Ma do heme welatijanê xo yê tirk û kurd reyde bi birayî û piştgirîye reyde demo vîyarte peyê xo de verdê û ameyoxêko hempar awan bikerê. Bi nê munasebetî ez sipasîya Hemserekanê DEM Partî kena ke ez zîyaret kerda û fikrê xo yê muhîmî mi reyde pare kerdê.”
