Redkarê Wîjdanîye, Amed de Însîyatîfê Verba Şerî rona. Deklerasyonê însîyatîfî de ame vatiş bi îlhamgirewtişê Rita Mae Browne, ê wazenê heqanê xo zextkeran ra tepa bigê
Amed de Însîyatîfê Verba Şerî bi deklerasyonêk ronîya, armancê însîyatîfî wina yo ke ê hetkarî bidê redkarê wîjdanî rê.
Deklerasyon de wina ame vatiş: “Kurdistan de nê seserrê ke verba şaran de polîtîkaya şerî yeno şuxulnayişî û bi huquqê mêtingerîye ziwan, sîyaset û kulturê şaran ra hêriş yeno kerdiş. Ma wazenê merkezê xebata xo ra heqê redê wijdanî bigê. Ma wazenê kesê ke nêwazenê lejkerî nêkerê ra alternatîf warêk awan bikê. Çew şer nêwazeno la verba şerî vindertiş rewşêka bîn a goreyê ma.”
Deklerasyon wina domya: “Ma wazenê eke ma çiqas verba şerî de bivinderê do wina do nêzê aştîye bibê. Ganî no ser ma çi wazenê, vatedar bikê. Ma aştîyêka adîlane wazenê, ma do polîtîkayanê hukmatî deşîfre bikerê. Ma bi îlhamgirewtişê Mae Browne, ma wazenê heqanê xo zextkeran ra tepa bigê. No ser verba şerî de vindertiş nêzdîbîyayişêk o. Ma bawer kenê ke bi rêxistinbîyayişî ma do hîna gird bibê.”
