Goreyê agahîyan Îran de şaristanê Abdanan de bi hezaran kesî vejîyayî kuçeyan, kontrolê heme bajarî girewt xo dest. Melekşah de zî şarî pêro hêzê rejîmî bajarî ra vetî. Protestoyî dewam kenê.
Protestoyanê ke bajarê Abdananî yê eyaletê Îlamî yê Îranî de ameyî destpêkerdene wextê kilmî de pêro bajarî ra vila bîyî. Abdanan de bi hezaran kesê ke vejîyayî kuçeyan bi rayraşîyayîşan verê xo de merkezê bajarî.
Wextê rayraşîyayîşî de Qereqolê Polîsan ê Abdanan û depoyêkê artêşê kewtê binê konrolê şarî. Goreyê zanayîşanê ke ameyî girewtene, bêpêkewtişan ameyî destgirewtene. Polîsê ke qereqol de bî mudaxaleyê çalakwanan nêkerd û tay polîsan qereqol teslîmê şarî kerd û herême ra vejîyayî. Bado ke qereqol ame destfînayene bajar de protestoyan bi şayîyan dewam kerd.
Dîya zanayene ke dima ra hêzanê zextî yê rejîmê Îranî hêrişê şarî kerd. Hêriş de bi desan kesî birîndar bîyî, rewşa tay birîndaran giran a. Rixmê nê goreyê zanayîşanê peyênan heme bajar kewt binê kontrolê şarî, hêzê zextî bajarî ra remayî.
Melekşah te hêzê rejîmî peyser ancîyayî
Pîya bi qewimîyayîşanê Abdananî bajarê Melekşahî yê eyaletê Îlamî de averşîyayîşê muhîmî bîyî. Dîya zanayene ke heme hêzê rejîmî hetê şarî ra bajarî ra ameyî vetene ke kontrolê bajarî kewt destê şarî.
Pêroyê bajarî de elekrîk birîyeno, helîkopterê rejîmê Îranî serê Melekşahî ra gêrenê. Goreyê zanayîşanê ke resayî Aryan TVyî helîkopterî bitaybetî serê merkezê bajarî de gêrenê.
Kirmaşan de qesre dîyaye adirî ver
Dîya zanayene ke bajarê Kirmaşan de zî qesre û xeylê dezgehê dewlete dîyayî adirî ver. Hêzê rejîmî kenê ke bajarî bigîrê binê ablûqa, şar kuçeyan de xover dano.
Çalakîyî dewam kenê
Hem Abadan de hem zî Melekşah de kontrolê bajarî şarî de yo. Kirmaşan û herêmanê bînan de çalakîyî dewam kenê. Vera îhtîmalê newera hêrişê hêzanê dewlete protestoyê şarî dewam kenê.
