Ewro serê sibayî bi çend dronanê xokiştox hêrişê qerargehê Zirguwêz ê sînorê Silêmanî ser o ame kerdene û encamî de pêşmergeyêk cuya xo ra bi û pêşmergeyêk birîndar bi.
Rejîmê Îranî hêrişê qerargehê Komele kerd. Çimeyêk Komela Zehmetkêşan a Kurdîstan-Îranî ke nêwaşt nameyê xo eşkera bikero, derheqê hêrişêko newe yê vera hêzanê înan, agahîyî dayê RojNewsî.
Çimeyî dîyar kerd ke ewro serê sibayî pê çend dronanê xokiştox hêrişê qerargehê hêzanê înan ê Zirguwêz ê sînorê şaristanê Silêmanî ameyo kerdene.
Eynî çimeyî da zanayene ke encamê hêrişî de pêşmergeyêko bi nameyê Umêd Weysî cuya xo ra bi û pêşmergeyêko bîn zî birîndar bi.
Erjeno merdim vajo ke destpêkê şerê Amerîka û Îranî ra xeylê reyan qerargeh û merkezê partîyanê Rojhelatê Kurdîstanî yê Herêma Kurdîstanî bi dron û fuzeyan ameyê hedefgirewtene. Nê hêrişan de 2 pêşmergeyî cuya xo ra bîyê û 3 pêşmergeyî zî birîndar bîyê.
