Kongreya Îslamê Demokratîkî dîyar kerd ke çeteyê ke hêrişê taxanê Şêxmeqsûd û Eşrefîye yê Helebî kerdo, dewamê îdeolojîyê DAIŞ’î û fikranê rêxistinanê radîkal o ke erjê cuya merdiman binpay kenê.
Kongreya Îslamê Demokratîkî bi eşkerayîyêk hêrişê vera taxanê Şêxmeqsûd û Eşrefîye yê Helebî şermezar kerdê.
Eşkerayî hetê hemserekê Kongreya Îslamê Demokratîk Mihemed Xerzî ra bi beşdarîya dîndar û endamanê merkezê kongreyî yê şaristanê Qamişlo ra ameye wendene.
Eşkerayî dîyar kerd ke çeteyê ke hêrişê taxanê Şêxmeqsûd û Eşrefîye kerdo, dewamê zîhnîyetê DAIŞ’î û fikranê radîkal ê rêxistinan o ke tu erjêk nêdanê merdiman. Eynê wextî de Mihemed Xerzî da zanayene ke kerdişê înan ê kiştişê girseyî, herimnayîşê binawanî û kiştişê bingeyê nasnameyî kerdişanê rejîmê verî yê Sûrîye û Partîya Baasî ra cîya nîyê.
Kongreya Îslamê Demokratîk vengda heme hêz û sazgehan ke seba awankerdişê dewletêka demokratîk, zafhetî û nemerkezî Sûrîye bixebitîyê. Sewbîna îqaz kerd ke welat ver bi vêşbîyayîşê teda, parçebîyayîşê komelkî û bingeyê dînî, mezhebî û etnîkî ser o şono.
Kongreyî dîyar kerd ke çîyê ke Şêxmeqsûd û Eşrefîye de qewimîyayê, ney ra ver zî vera birayanê ma yê Xirîstîyan û yê ke herêma qeraxe de û Siwêda de ciwîyenê, vera înan zî ameybî kerdene û vengdayîşê yewrêzîya hemverê sucanê vera şaranê Sûrîye kerd.
