Artêşê Îsraîlî xeylê hêrişanê hewayî yê vera Xeza ra pey bi amancê îşxalkerîye bi hewayêk hîra dest bi operasyonan kerd.
Artêşê Îsraîlî vizêr şand dîyar kerd ke înan bi amancê “îşxalkerdişê” Şerîdê Xezayî operasyonêko hîra yê bejayî dayo destpêkerdene. Îsraîlî veng da filîstînijanê ke hûmara înan derûdorê mîlyon û nêm a, ê herême ra vejîyê.
DYA paştî dana
Dewletê Yewbîyayeyî yê Amerîka (DYA) bi hewayêko eşkere paştî dana nê operasyonî. Çapemenîya DYA’yî ke rayedarê Îsraîlî sey çime nîşan dayê, dîyar kerd ke yewîyê bejayî yê Hêzanê Pawitişî yê Îsraîlî kewtê Xezan û rojanê aver de xeylê leşkerî do beşdarê operasyonî bibê.
Wezaretê Weşîye yê Xeza dîyar kerd ke hêrişê Artêşê Îsraîlî dest pêkerdî, heta nika nêzdîyê 65 hezar fîlîstinijî ameyê kiştene û dîyar kerd ke zafaneyê înan gede yê.
