Artêşa Îsraîlî şewa panşeme ra heta serê sibayê roja îne hêrişê Başûrî Lubnanî kerd, hêrişan de 6 xebatkarê bin ê weşîye ameyê kiştene.
Hêrişanê artêşa Îsraîlî yê Lubnanî ser o de hûmara qurbanîyan zêde bena. Herêma Deyr Kanun el Nahrî ya girêdayeyê şaristanê Sûrî de, hêrişê dronî de 5 kesî cuya xo ra bîyî. Goreyê çimeyanê herême, 2 qurbanî xebatkarê weşîye bî û înan ra yew gede bi.
Merkezê weşîye bi hedef
Teyareyê şerî yê Îsraîlî şewe, herêma Hanavey ê şaristanî Sûrî de 2 merkezê weşîye hedef girewtê. Hêrişî de 4 xebatkarê weşîye cuya xo ra bîyî û 2 kesî zî birîndar bîyî. 2yê adara 2026î ra nat, destpêkerdişê hêrişanê Îsraîlî yê ver bi Lubnanî de zêdeyî 120 xebatkarê weşîye, cuya xo ra bîyî û 265 kesî zî birîndar bîyî.
Artêşa Îsraîlî eşkera kerd ke Başûrê Lubnanî de 2 kesî ke kiştê, sînorî ser “bi hawayêko gumanbar” têgêrayêne.
Roja panşeme bombardûmano giran
Roja panşeme artêşa Îsraîlî 10 dewanê Başûrê Lubnanî bombarduman kerdê. Ame eşkerakerdene ke tayê herêmî bîyî hedefê hêrişanê bombarduman ê dronan. Hîzbullahî dîyar kerd ke 16 reyî hêriş kerdo hedefanê leşkerî yê Vakurî Îsraîlî û Başûrê Lubnanî.
Hûmara qurbanîyan 3 hezar ra derbas bîye
Ame eşkerakerdene ke 2yê adare ra nat hêrişanê Îsraîlî yê Lubnanî ser o de zêdeyê 3 hezar kesî cuya xo ra bîyî.
