Dewa Garşîyê Cerenî ra Gali Erca dîyar kerd ke dewe rindo, sûkanê girsû rind nîyo û wina va: “Naxire ma, mesê ma ma rê bes o. Bere xûrenê xo şen kere, bere caê pîyê qalîkenê xo, dûr me vîndere caê xora vîra me kere zonê xo.”
Gali Arca mezraya Garşîyê Cerenî ya girêdaya dewa Kizilbela Çêrme ya Çewlîgî de ronîşeno û behsa cuyaya dewa xo keno. Gali Arca dewe xo kê vesnay bar kerdê şîyo Erzingan, tepa şîyo Antalya. Antalya dê bîyo emektarî karî, amo cayê pîyê qalîkê xo, dewe xora, jar û dîyarê xora hes keno. Şîyo dewe de caê viraşto xo rê maneno.
Gali Arca ajansê ma rê, hal û mezatê xo vila kerdî.
Gali Erca wina va: “Ez û garşîyê bînene de nîson ro. Ma rê çe bawa Riza Garşîyê vanê, laze bawa Garşîyê yanê. Îta Garşîyê bîne na. Heşt ser bîyo ez û îtaranê. Şîyane Antalya cerene amanê. Amanê pîyê kalîkê xo. Pîyê mî îta de bî, ma donanî bîmê. Sarê ma a waxtî xeyle jede bî. Cem û cemat kerdene, pîr û rayberê ma amane. Îta de qe thal ne bî, meyman amane.”
‘Xeyalê mi dewe bî cayê pî û kalikê mi bî’
Gali Erca va ke kalikê înan Dewres silamanê qize bîyo û wina domna: “Qizilbel de bîyo, tepa cayê xo virno ra. Page kalike mi Qirdim de bîyo. Kalikê mi, Dewres Hesenî Derî, qalîkê pîyê min o. Kerametê xo bîyo, xizir hazûr û nazûr têy meyman bîyo. Ma tormê înû bîme. Çiqe îtay kê verende re ame ne, na hetê bonî de eştene. Eştene bover, şîyenê cer. Serê bîne de meymane kalikê mi bîyo. Pheroz Çiqê amo, kalikê mî şîyo şîntor narê vere çiqê ro, vato ke çiqê ra, ez û to sodîr dîyanê narê thepa me vere. Çiqe narê thepa şinyora dot ne şîyo. Îtiqatê yema hîn bîyo.”
Gali Ercan wina dewam kerd: “Qalîkê ma hewtay di serde Tercan de amey torne bawa dîl îtaro. Heştay hîrê, heştay çar dê ma bar kerdî şîmê, dewe vesnay, koyê vesnay, sarê ma zaf heşîrîyê dî, dewe sare ma vesnay, koyê sarê ma vesnay, pereyê sare ma vesnay, ron û dorakê sare ma qe zere ra nevet, vileşî sere hardî rê şî. Mal û naxi re sar tever de mendî, verg û hesû werdî. Sar xunde kê xo xelesna. Şîmê Erzimgû, hardû lerza, tepa şîme Antalya, gûrûyane, bîyane emektarî, amanê dewe xo.
Amanê welatê xo
Gali Ercan wina qedîna: “Îta cayê pîyê qalîkê mayo. Îtîqatê îtay, raştîyê îtay, qilavûzê îtay, mirê rind yeno. Çixa kê Antalya da bîyane rûxê mî îtade bî. Ez û yon îta dê teyna vindon. Çira ne terson, dorme ma jar û dîyarê. Harde xo, qilavûze xo marê olvoz o. Dewe rindo, sûkanê girsû rind nîyo. Naxire ma, mesê ma ma rê bes o. Bere xûrenê xo şen kere, bere caê pîyê qalîkenê xo, dûr me vîndere caê xora vîra me kere zonê xo.”
