Îzmîr de kesê ke tewrê protetokerdişê vera girewtişê “Ekrem Îmamoglû” bîyê, 10 kesî ameyê girewtene.
Çalakîyî protetokerdişê girewtişê Şaredarê Stenbolî yê Şaristanê Girdî Ekrem Îmamoglû dewam kenê. Îzmîr de 54 kesê ke ameyê destbendkerdene, înan ra 10 kesî ameyê girewtene.
Nameyê kesan ke ameyê girewtene wina yê: Emre Sarikaya, Yusuf Metîn Karakaya, Selda Salman, Mert Gokdeniz, Diyar Findik, Serdar Akturk, Cemal Kara, Hasîp Erkan Gokber, Birkan Polat, Oguzhan Salman.
Reyna mudirîyeta polîsan de cipersayîşê xeylê kesan ke bi eyn sebebî ameyê destbendkerdene, dewam keno.
ANTALYA
Antalya de Serekê Partîya Karkeran ê Tirkîya (TÎP) ê Antalya Enes Keskîn û 9 endamê partî ke 22ê adare de Antalya de ameybê destbendkerdene, bi îdiaya “Vera qanûnan muxalefetê kombîyayîş û musnayîşî” ameyê girewtene.
