Japonya de girsîya 7.4î erdlerz qewimîya, badê erdlerzî hişyarîya tsunamî ameye kerdene.
Vakurê Japonya de badê erdlerzê girsîya 7.4î hişyarîya tsunamî ameye dayene. Ame eşkerakerdene ke pêlê ke berzîya înan resena 3 metreyan weriştê.
Vengdayîşê rewşa lezabez ame kerdene
Ajansê Meteorolojî yê Japonya eşkera kerd ke badê erdlerzî alarmê tsunamî ame dayene. Erdlerz wextê herêmî 16:53 de Okyanûsê Pasîfîkî qeraxê Iwate de qewimîya.Tokyo ke bi seyan kîlometre dûrê merkezê erdlerzî yo la reyna zî uca de ameyo hîskerdene û bînayê berzî cayê xo ra leqîyayê. Rayedaran vat pêlê tsunamî demêko qilm de beno ke bireso qeraxê vakurî û pêlî qasê 3 metreyî berz bibê. Ajansê Meteorolojî yê Jopanya seba merdimanê herême yê qeraxî vengdayîşê neqlkerdişê bilez kerd.
Yeno vatene ke trêna bilez (Shinkansen) a mabêne Tokyo û Shin-Aomorî ameya vindarnayene. Erdlerz hende bihêz bi ke paytextê Tokyo de zî bînayî leqîyayê. Heta nika xeberêka fermî ya derheqê cuya kesan de nêameya vilakerdene la ekîbê xelasnayîşî mîyanê hedreyî de yê.
