Dêrsim ra tayê kesî seba kar tayê kesî zî riyê veşnayîşê dewan ra tayê zî riyê polîtîkayanê dewlete ra şîyê welatanê Ewropa. Nînan ra yew zî Murat Erdogan o. O zî şîyo Almanya la o peyser ameyo. Erdoganî jîarê xo rê sond wendo ke reyna nêgêro Almanya.
Murat Erdogan ke eslê xo dewa Panciras ya Pilemurîye ra yo, diwês serrî Bursa de, yewendes serrî zî Almanya de dewe xo ra dûrî ciwîyayo. Almanya da xebetîyayo la debar nêkerdo agêrayo dewa xo, welatê xo.
‘Welatê mi kûtêne hewnê mi’
Murat Erdogan ke çend serran ra pey agêrayo dewa xo, d3iyar keno ke demo ke o ameyo dewe kes dewe de çin bîyo û wina vano: “Welatê ma zaf kûtêne mi vîr. Çar serrî mezelê ma teyna mend. Qet qûlê heqî na dewe de nemendbi. Tersî ra kês na het ser o nêame. Ez kî ameyêne îta, îta de di cenîkê kokim û di camêrdî kokim bîyê. Ê di hîrê asme dewe de mendêne şîyêne. Mi xo rê bonî viraşt, mange girewt, qaytê înan kena.”
‘Dêrsim ki nêbîyene ez Almanya ra nêamene’
Erdoganî dîyar keno ke o welatê xo ra hes keno û vano ke kesê ke tîya ra vejeyê şîyê cayanê xerîban de şîyê heqîya xo û wina vano: “Almanya de mi zon senik zanîtêne. Mûsayîê zonî mi rê giran ameyêne. Sewetene Stanbol sewetene Bursa nên. Ez îta ra hes kena. Pî û kalikê ma hîrês serrî yo îta ra şîyê. Êyê ke îta de bîyê, wayîrê çîyê xo bîyê. Key ke şîyê Erzingan, Bursa û Îzmîr qaytê destê domananê xo kerd, înan rê giran ame. Xerîbîya dewa xo kerd, çîyê ke kêm bîyê zereyê înan de mendî. Rind bîyê, dima bîyê nêweş û şîye heqîyê xo.
‘Dewa ma zaf rind a, nêwesan kena wes’
38 û 94î zaf heşîrîyî ardê ma ser o. Di hezar û dîyî de peyser ameyê dewa xo. Verwn de asme Payîz, asme Almanya de nêmendêne,ni ka des hîre ser kê îta ro. Ge-ge nêson des roj manena, doçanmnû vînon, karê xo kena yena. Nêwes bîyene Almanya de. Ez ameya welatê xo mal û naxir de kerd vere çevere xo bîyane rind. Dewe ma de wesî, rindîye zaf a. Newesan kena wes. Torak, albon, tirsik, tarr, sung, rîvej, heluge û savile zaf ê. Ez û her çîyê xo çe de vezon. Ron û dorak, most û do, sere sit, hemgen, hak çi ke est a çe ra vezême. Ez kî Almanya de di rey ameyêne şîyêne.”
‘Mi jarê xo re sond wendo na rey peyser nêson’
Erdogan mendişê xo yê dewa xo ser o wina vano: “Na boverê dewê ma de hewsê Sey Kemal est o. Şîyane ser kelê xo birna. Mi sond werd. Mi vake weşîyê bide ma re, domonê ma re, koma ma re sare ma rê. Mi zî sond wend. Na re tepîya dewa xo ra nêson, kê kemersa ne mi bîya re le to de woe da rê.
‘Jar û dîyaranê xo rê wayîr vejiyê’
Welatê xo re wayîr vejîyê. Mezelê pî ê kalikê xo rê, jîyarê xo re wayîr vejîyê. Sima kî nêameyê welatê xo her çîye sima virnenî. Axayê Mehmed Axa bîyo. Guno verên de qayto kitavo kerdo, vato “dewe hîrî ser tal manenê. Hîrê û ser tepîya wayîre dewe yena ke cay gûre te, berve ne, îştî re çûmi ra peyser sonê. Ma vame kî hin meke re, bere cayê xo re wayîr vejîyê. Cayê ma rind ê, pirrê ma, koyê ma est ê, her çî est o. Se kene bikerê na dewe pî û kalik tal mekerê.”
