Rewşa merdimeyîye ya zehmet a Kampê Koçberan ê Girê Spî de tesîrê perwerdeyî zî keno. Rayberîya Xoserî ya Demokratîkan seba dewamkerdena perwerdeyî ya wendekaran mîyanê hewldanan de ya.
Dibistanê Kampê Koçberan ê Girê Spî serra serra 2019î de ameyê akerdene. Demê akerdene ra nika nêameyê sereraştkerdene. Hetêko bîn lazimeyê perwerdeyî, sey kursî, mase û dep kêm ê, zemînê dibistanan zî nê hadre yê, rîyê rewşa hewayî zî kon rijyayê.
Verfekê Dibistana Merkezî ya Kampa Girê Spî Kamil Osman dîyar kerd ke 5 serrî ke rewşa dibistanê kampî nêameyê sereraştkerdene û nê agahî dayê: “Pêroyîya xizmetê dibistane çin ê. Rîyê nêbîyayîşê konan par dibistan bi temamî xizmetî ra vejyaybi. Coka ma nêçar mend pergal bibedilna û netîce de saetê dewamê perwerdeyî kêm bîyê. Na yewî zî tesîrêko giran perwerdeyê kampî ra kerd.”
Kamil Osman ard ziwan ke lazimeyê dibistanê kampî kêm ê û va ke ê lazimeyê dibistanan rêxistinê merdimeyîye reyde pare kerdî zî la destêkê pêşkêş nêkenê. Osman îzeh kerd ke vera heme zehmetîyan zî do ê perwerdeyê dibisitanan bidomnê.
