Bi qerarê Komîteya Perwerde û Mûsnayîşî ya Kantonê Cizîrî serdemo dîyin ê serra perwerdeyî ewro dest pêkerd.
Komîteya Perwerde û Mûsnayîşî ya Kantonê Cizîrî serdemo dîyin ê serra perwerdeyî ya 2025-2026î ewro da dest pêkerdene. Goreyê xebera ANHA’yî komîte serdemo dîyin ewro dibistananê Çilaxa, Tirbespî, Zirgan, Hesekê, Til Temir, Dirbêsîye, Serêkanî, Qamişlo û Dêrik û pêroyê dewanê kantonî de dayo destpêkerdene.
Perwerde rîyê hêrişanê grûbanê Hukmatê Demkî yê Sûrîya û çeteyanê girêdayeyê Tirkîya ra amebi vindarnayene. Badê adirbest û peymana 29ê çele û eştişê beşêkê gamanê entegrasyonî, reyna perwerdeyê serdemo dîyin dest pêkerd.
Koçberî dibistanan de ameyê sitarkerdene
Netîceyê hêrişan de xeylê keyeyê koçberî yê ke ameybî Kantonê Cizîrî tayê dibistanan de ametbî sitarkerdene. Badê ke rayberîye nê keyeyî cayanê musaîdan de sitar kerdî, dibistanî newe ra kewtî xizmetê perwerdeyî.
