Se hezar karker û kedkarî seba 1ê Gulane pîroz bikerê, xeylê şaristanan de kom bîyê û waştişê xo yê pawitişê kede îfade kenê.
Ewro 1ê Gulane Roja Kedkar û Karkeranê Dinyayî ya. Bi munasebetê na roje kedkar û karkerî ewro qadan de waştişanê xo îfade kenê. Xeylê welatanê dinya de û şaristananê Tirkîya de se hezar kedkar û karkerî vejîyayê qadan û qadan de bi pankart û sloganan waştişanê xo îfade kenê. Sere de Stenbol, Wan, Amed û xeylê şaristanan de bi munasebetê 1ê Gulane Roşanê Karker û Kedkaran çalakî û musnayîşî yenê organîzekerdene. Se hezar karker û kedkarî beşdarê çalakîyanê bi sloganî “Seba kede, aştî, demokrasî û edaletî ma do serkewê” bîyê.
