Bi wesîleya rêzgirewtişê serrgêra Raperînê Kurdistanê Başûrî ra, bi pêşengîya Zanîngehê Raperînî û hembeşîya Komeleya Wendekarê Kurdistanî, Karnavalê Raperînî yê 6. Zanîngehê Raperînî yê şaristanokê Ranya de ame viraştiş.
Zanîngehê Raperînî yê şaristanokê Ranya de, bi pêşengîya Zanîngehê Raperînî û hembeşîya Komeleya Wendekarê Kurdistanî û bi sernameyê ‘Ranya paytexta azadîye ya’ Karnavalê Raperînî yê 6. ame viraştiş. Karnaval de heme peymangeh, dezgeh, kesayet û pêrabesteyê cîya yê herêmî û Herêma Kurdistanî beşdar bîyê.
Karnaval de karanê dest, karanê hunerî, kelûpelê folklorî, werdê kurdewarî û zaf çikê bînî ameyî nîşandayîş. Her serre karnavalê Raperînî bi wesîleya vîrardişê serrgêra Raperînî ya şarê kurd a 5ê Adara 1991î de şaristanê Ranya ke berê serehawanayîşî destpê kerd, yeno viraştiş. Karnaval de zaf çalakîyanê zanistî, akademîk, kulturî, roşnvîrî, hunerî, bi coş û beşdarîyêka gird a welatijan yeno viraştiş.
