KCDK-E veng da Kurdîstanijan ke wa komeleyan de bêrê têhet û pîya vengdayîşê tarîxî yê Rayberê PKK’yî Abdullah Ocalanî yo ke do ewro bêro kerdene, goştarî bikerê.
Heyetê DEM Partî yê Îmraliyî ewro badê pêvînayîşê saeta ewropa 15:00î de û bi saeta herêmî 17:00î de Stanbol de beyanat bido.
Vengdayîşo tarîxî Amed û Wan de do ekrananê girdan ra bêro dayene. Ewropa de zî Merkezê Komelê Demokratîkî yê Kurdan de do ekranî bêrê ronayene.
KCDK-E derheqê eşkerayîya tarîxî de mesajêko nuştekî pare kerd û nê vatî: “Nê prosesê muhîmî de ganî pêro şarê ma beyanato tarixî goştarî bikero û wayîrê ci vejîyo. Sere de cinîyî ganî heme şarê ma komele û merkezanê komelî de bêro têhet û bi hewayêkê girseyî mesajî goştarî bikero.
Ma veng danê heme komele û merkezanê komelî ke wa ekrananê girdan ronê û bibê cewabê prosesî.”
