Mehmet Arslan ê ke demêko derg muxabirîya DÎHA’yî kerdbî, netîceyê qezaya trafîkî de cuya xo ra bî.
Mehmet Arslan bi serran muxabirîya Ajansê Xeberan ê Dîcle (DÎHA) ke bi îlankerdişê Qerarnameyê Qanûnî (KHK) amebî girewtene, kerd. Mehmet Arslan netîceyê qezayêka trafîkî de cuya xo ra bî.
Vizerî bi şewe dekewtişê qezaya Qereyazi de sebebê vewre û mijî ra di wesayîtî ro yewbînî qelibîyayê û netîceyê qeza de Mehmet Arslan bi giranî birîndar bî. Mehmet Arslan badê çend saetan wesayîto ke tede ase mendbî ame vetene û wexto ke bi ambulanse berdêne nêweşxaneyê Erziromî, rayîr de cuya xo ra bî. Cenazaya Arslanî do ewro goristanê merkezê Qereyazî de bêro definkerdene.
Mehmet Arslan demêke partîyê ke tradîsyonê DEM Partî ra yenê û sazgehanê ziwanî de xebitîya bî, serra 2013 de heta roja ke DÎHA ame girewtene muxabirîya Erziromî kerd. Mehmet Arslan zaf reyan amebî destbendkerdene û serra 2016 de semedê “cipersayîşêk nimite de fotograf anto û raya pêroyî rê pare kerdo” amebî girewtene. Mehmet Arslan badê demêk kilmî de hepisxane ra ame veradayene, zaf reyan ame tehdîd kerdene û derheqê ey de dewayî amebî akerdene.
