Bi ameyîşê wisarî berhem û bereketê herre ra kenger vejîya û cayo xo dezgeyanê esnafan ser o girewt.
Mewsîm wisar o. Wisar reng û rîyê xo bi berhemanê xo dano mojnayene. Demo ke wisar yeno, heme ca şîn beno, gul û vilikî abenê. Herre gandar bena û bereketê xo merdiman reyde pare kena. Mewsîmo derg zimîstanî ra pey zexîre û qûtê ke çimeyê ci herre ya kêm benê. Çimê merdiman gandarbîyayîşê herre de yo ke reyna berhem û bereketê xo înan reyde pare bikera. Emserr her çend ziwayîye est ba zî, xoza reyna merdiman vêşan nêverdana. Berhemanê herre ra yew kenger o ke aşma adare û nîsane de şîn beno, reng û rîyê xo dezgeyanê esnafan ser o mojneno. Dewijê ke zozananê Qerejdaxî de ciwîyenê, kengerê ke zozananê Qerejdaxî ra kom kerdê, ardî şaristan. Kengerê Qerejdaxî êdî cayê xo dezgeyanê esnafan ser o girewt û bi rengê xo şaristanî xemilneno.
