Sereştişê keyeyan de ke Kerboran de bîyê welatîyo bi nameyê Abdurrahman Gezer ame destbendkerdene. Qezaya Ceyhan a Edeneyî de tewr tayî 4 kesî ameyê destbendkerdene.
Qezaya Kerboran a Mardînî de saetanê serê sibayî de polîsan eşt keyeyêk ser o. Ame zanayene ke no operasyon seba ê kesan ke wexto ke qeyûm tayînê Şaredarîya Mardînî ya Girde bî, çalakîyê ke ê wextî ameye kerdene kesê ke tewrê nê çalakîyan bîyê, seba înan ameyo kerdene.
Sereştişê keyeyî de welatîyo bi nameyê Abdurrahman Gezer ame destbendkerdene. Seba ke Gezer bi kelemçeyo ters ameyo bestene, keyeyê ci reaksîyon nîşan da. Ame vatene ke polîsan işkenceyî bi ê kesan kerdo ke reaksîyon nîşanê înan dayo. Ame zanayene ke Gezer berdo Mudirîya Emnîyetî yê Şaristanî.
EDENE
Qezaya Ceyhana Edene de serê sibayî sereştişê keyeyan de xeylê kesî ameyê destbendkerdene. Ame zanayene ke nê kesî bi îdîaya medyaya sanale de “kerdişê propagandaya rêxistinî” ameyê destbendkerdene. Nameyê kesan ke ameyê destbendkerdene wina yê: Nedîm Taş, Ferhat Kayran, Dogan Batûr, Necat Eşîm.
